Te kaltrit rigjejne veten ‘gjelat’ ne shtepi

Tashmë, në takimin e radhës, djemtë e Donadonit do të kenë përballë Spanjën e Luis Aragonezit. Ndeshja – Italia është e bindur për fitoren, pasi e nis vrullshëm sfidën ndaj “gjelave”, duke i vënë ata menjëherë në vështirësi. Situata bëhet edhe më e thjeshtë për italianët, kur gjyqtari Lubosh Mishel përjashton me karton të kuq mbrojtësin francez, Abidal, pasi ndërhyn në mënyrë të gabuar në zonën e rreptësisë kundër Tonit. Nga pika e bardhë, Pirlo nuk gabon dhe kalon në avantazh skuadrën e tij. Pjesa e parë mbyllet me shifrat 1-0, ndërkohë që fitorja blindohet nga De Rosi në pjesën e dytë, pas një goditjeje dënimi të devijuar nga Hanri. Mungesat – Në çerekfinale kundër Spanjës, Roberto Donadonit do i duhet të bëjë pa Andrea Pirlon e Xhenaro Gatuzon, të dy të ndëshkuar me karton të verdhë në sfidën e mbrëmshme.